又一很好的經驗

（再來廣東話mode）
終於知道點解不能續rego，原來係關於之前架車。

話說賣車當日買家開車走之後，好叻仔咁違例泊車無買ticket，最叻仔係視而不見張$45的罰單。結果拖足半年變成$516（係澳紙！）。咁啱我哋之前去咗與世隔絕的Parilla，零個收到罰單同通知。由於買賣雙方通常都會喺14日內過户，所以佢違例泊車發生嘅時候，架車仲係我哋個名，所以呢單嘢就屈我哋硬食。

要解決除咗俾錢（一係我哋俾，一係搵返個叻仔俾），就係填張申訴紙，解釋點解無交罰單，呢單嘢點解唔關我事，同埋去唔同嘅部門填form同9等。你知澳洲人做嘢有幾慢，再加埋政府部門就真係唔×使講。再者中文都咁難解釋，請問上庭時（據說要上庭解釋）講英文點樣講？

我真係唯有講一句，有無咁×好彩！

再要講多句就係，這是一個很好的經驗！